Истрагата за случајот „Транспортер“ во кој првоосомничен е градоначалникот на Битола, Владимир Талески стигна и до Хрватска. Специјалното обвинителство добило сознанија дека Талески поседува куќа на море, по што оваа институција испратила барање до хрватските институции да проверат дали на име на Талески постои имот во оваа земја, велат извори од СЈО за НОВА.
Според изворите, хрватските власти одговориле дека на име на Талески нема имот во Хрватска, но не е исклучена можноста да постои имот на друго име, блиско до градоначалникот.
НОВА го бараше Талески за коментар дали тој поседува имот во оваа земја, но тој не одговараше на нашите повици.
Повеќе за евентуалното замрзнување на имотот на осомничените во „Транспортер“ како и за состојбите со конфискацијата на имот во Македонија, погледнете во последната емисија на „Јавно“ на НОВА.
Претходна емисија: Контролна соба