Манчестер сити ѝ го нанесе првиот пораз на Барселона во Лигата на шампиони во оваа сезона. Сегашниот тим што го предводи Пеп Гвардиола славеше на неговиот поранешен со 3:1 со два гола на Гундоган и еден на Де Брујн. Но, актуелниот тренер на Каталонците, Луис Енрике воопшто не делуваше загрижено на прес конференцијата по загубата на „Етихад“.
„Создадовме многу шанси, а пет минути лоша игра нè чинеа пораз. Таков е фудбалот. Сити, сепак, има квалитетни играчи. Ние не сме машина, па да притиснете копче и добиете сок. Ако некој исклучил телевизор во 40 минута, не би можел да верува што се случило на крајот“, коментираше Енрике по мечот во Манчестер во кој на Барса ѝ беше доволен и бод да обезбеди осминафинале по четири кола.
Барселона останува лидер во групата Ц со девет бода, Манчестер сити има 7, Борусија Менхенгладбах е трета со 4 бода, последен е Селтик со 2.