Со 395 гласа за, 200 против и 71 воздржан, европарламентарците со резолуција денеска го повикаа Обединетото кралство да го започне процесот за излез од Унијата по Брегзит што поскоро.

Првиот човек на Европскиот совет, Доналд Туск, изјави дека тие се подготвени веднаш да ги започнат преговорите со Лондон и дека во септември во Братислава ќе се одржи состанок на лидерите на 27 земји-членки на тема иднината на Унијата по Брегизтот.

Тој вели тие нема да започнат преговори се додека Британија не го активира членот 50 од Договорот од Лисабон кој официјално активира излегување на една земја, на која и се дозволуваат две години преговори со Унијата.

Германската канцеларка Ангела Меркел порача дека Германија е подготвена за пост-Брегзит но и дека тие нема да им дозволат на Британците да бираат само она што им одговара.