Македонската ракометна репрезентација првиот натпревар од втората фаза на Европското првенство, во Вараждин ќе го игра на 21 јануари против првопласираната селекција од Д групата Шпанија.
Два дена потоа противник ќе ни биде третата од групата Д, Чешкаа, следниот ден на 24 јануари е дуелот со Данска.
За точните термини ЕХФ дополнително ќе објави откако ќе ги договори со ТВ куќите кои ги имаат тв правата.
Македонија во групата ќе стартува како прва со 3 бодови, по два ќе имаат Шпанија, Данска, Чешка и Германија, а Словенија има 1 бод.
Вчера Македонија одигра 25-25 против Германија во рамки на третото коло во Групата Ц на Европското првенство во Хрватска.
Со ова реми нашата репрезентација во следната главна фаза во Вараждин ќе пренесе три бода и ќе има сериозни шанси за висок пласман на овој континентален турнир.
Тренерот Раул Гонзалес по натпреварот изјави дека е горд од тоа какви бевме на терен.
„Јас сум многу задоволен играчите дадоа сè од себе. Одигравме одличен натпревар. Имавме притисок да бидеме први, но сега засега сè е супер. Верувам дека утре ќе биде подобро. Задоволен сум од тоа како изиграа момците. Чудно ми е што успеавме против голема репрезентација како Германија да оствариме и реми. Очекувам позитивен резултат и со Чешка. Играчите се уморни ама треба да уживаме во ова што го остваривме. Јас сум горд како одиграа ракометарите на теренот“, изјави Раул Гонзалес по мечот со Германија.