Репрезентациите на Франција и на Литванија пред поправни испити на 40. Европско кошаркарско првенство по поразите од Финска, односно, Грузија во воведното коло.
„Триколорите“ од 15,30 часот ќе играат против Грција во дербито на втората рунда во групата А во Хелсинки. Литванија, пак, во вечерниот термин (20,30 ч.) во Тел Авив ја очекува судир со домаќинот во групата Б, Израел, чија селекција, исто така, претрпе пораз од Италија на стартот.
По убедливите +39 со Црна Гора во првото коло, Шпанија денеска пред нов зицер во групата Ц на шампионатот. „Фуријата“ од 16,45 ч. во Клуж ќе излезе на мегдан со Чешка.
Најпривлечниот натпревар, пак, во групата Д во Истанбул е попладнево (16 ч.). Актери во него ќе бидат селекциите на Русија и на Србија.
Денеска на ЕП 2017
Група А (Хелсинки), 2 коло
Полска – Исланд (во тек)
Грција – Франција (15,30 ч.)
Финска – Словенија (19 ч.)
Група Б (Тел Авив), 2 коло
Грузија – Германија (14,45 ч.)
Украина – Италија (17,30 ч.)
Израел – Литванија (20,30 ч.)
Група Ц (Клуж), 2 коло
Црна Гора – Унгарија (14 ч.)
Чешка – Шпанија (16,45 ч.)
Хрватска – Романија (19,30 ч.)
Група Д (Истанбул), 2 коло
Летонија – Белгија (во тек)
Русија – Србија (16 ч.)
В. Британија – Турција (20 ч.)