Со голот на Мице Шилегов во последната минута, Македонија се спаси од пораз во вториот настап во групата Б на Европското првенство (Б дивизија) за ракометари до 20 години што се одржува во Скопје. По триумфот над Велика Британија со 32:15 во воведното коло, избраниците на Данило Брестовац вечерва одигра 27:27 против врсниците од Италија.
Македонските и италијанските ракометни надежи одиграа егал прво полувреме по кое „црвено-жолтите“ заминаа на одмор со гол предност (13:12). „Азурите“ беа подобри во поголем дел од продолжението на средбата, ги казнуваа сите грешки на избраниците на Данило Брестовац и во завршните 10 минути влегоа со предност од три гола (20:23).
Домашната селекција, сепак, успеа да се соземе и до крај на средбата да се избори за реми. Најефикасни во победничкиот тим беа Марио Јагуриноски со седум гола и Марио Танкоски и Мице Шилегов кои постигнаа по пет, по шест за Италијанците реализираа Стефано Арчиери и Федерико Маца.
Македонија е трета на табелата во својата група со три бода против утрешниот дуел со Швајцарија.
ЕП во ракомет У20 (Б дивизија)
Група А, 3 коло
Белорусија – Литванија 30:29
Грција – Естонија 27:28
Фарски Острови – Финска 24:29
Табела: Белорусија 6, Естонија 4, Литванија 3, Финска 3, Фарски Острови 2, Грција.
Група Б
Италија – Македонија 27:27
Украина – В. Британија 20:16
Слободна беше селекцијата на Швајцарија.
Табела: Швајцарија 4 (2 меча), Украина 4 (3), Македонија 3 (2), Италија 1 (2), Велика Британија 0 (3).