Сојот Омикрон БА.5 на коронавирусот е многу пати позаразен од сите претходни видови и подваријанти на корона бидејќи едно лице може да зарази од 15 до 20 луѓе. Со овие истражувања практично се докажа дека овој сој го зазема приматот и пред морбилите кои досега важеа за најзаразно заболување и беа пример за екстремна заразност бидејќи еден заразен може да инфицира 17 од нив. Ова го изјави врвниот српски епидемиолог прим. Д-р Предраг Кон.
„Пресекот и секвенционирањето беа направени на 6 јуни, а потоа и на 8 јули, кога во 190 примероци имавме нешто помалку од 28 отсто од оние со БА.5 со неговите осум линии. Додека еден месец претходно беше само 0,96 отсто. Ова значи дека БA.5 навистина почнува да се шири и доминира и практично се однесува како нов вирус, заобиколувајќи го имунитетот а е само подваријанта,Има голем број инфицирани а не се ни свесни дека го носат вирусот во себе и поради тоа не се ни тестираат затоа наесен очекувам огромна инфекција и тоа ќе биде проблем, изјави Кон.
Кон во интервју за српските медиуми вели дека следните две недели ќе имало интензивен пораст на заразени а дека сепак најдобра превенција е кога луѓето секогаш би избегнувале да се заразат.
„Не одете на големи собири, особено хронично болните и оние над 65 години. Но, тоа важи и за сите ако сакаат да не се заразат. Тоа е исто така одговорност на секој од нас.И треба да се вакцинираме со соодветна доза, бидејќи досегашните податоци потврдија дека тешките облици на болеста, кои доведуваат до хоспитализација и смрт, се јавуваат поретко кај оние кои биле вакцинирани, порачува Др. Кон.