Ердоган спроведува чистка по завчерашниот обид за пуч во Турција. Масовно се апсат на противниците на турскиот претседател. кој порача дека ќе го исчисти „вирусот“ од сите државни институции. Околу 6 илјади лица се уапсени, од кои 3 000 се војници, а 2 900 судии. Уапсен е турскиот командант на военовоздухопловната база Инџирлик во јужна Турција, Бекир Ерџан Ван. Но, тоа не е крај, се најавуваат нови апсења, јавуваат турските медиуми.
Турските медиуми објавија листа на која се наоѓаат главните организатори на пучот. Медиумите објавија 14 имиња на лица, кои стојат заддавниот удар, а Ердоган како главен инспиратор го посочи проповедникот Фетула Ѓулен кој живее во САД, за кого бара итна екстрадиција.
„САД вие треба да го екстрадирате тој човек. Се обраќам кон претседателот на САД дека треба да го депортирате или да ни го предаде тој човек. Сега по овој обид за преврат повторувам пратете и го на Турција“, порача Ердоган.
Од САД се јави Фетула Ѓулен и остро го демантираше Ердоган. Тој изјави дека нема никаква поврзаност со организацијата за воениот удар и се сомнева за местенка. Ѓулен најави дека ќе се врати во Турција а ко така одлучи Вашингтон.
„Постои можност ова да е сценарио подготвено од турската Влада, изјави“ Фетула Ѓулен.
Истовремено, во грчкиот град Александрополус започна судењето на осумтемина турски војници кои вчера избегаа со хеликоптер и побараа политички азил во Грција. Се одлучува дали ќе ги вратат во Анкара. Во синоќешниот телефонски разговор со Ердоган грчкиот премиер Ципрас ветил дека војниците ќе бидат испорачани назад во Турција.
Американскиот државен секретар Џон Кери денеска преку телефонски разговор со турскиот министер за надворешни работи Мевљут Чавушоглу потенцирал дека САД нема никаква улога во неуспешниот обид за пуч и дека таквите тврдења се целосно лажни и штетни за билатералните односи на двете земји.
Министерот за надворешни работи на Австрија Себастијан Курц, порача на претседателот Ердоган дека пучот не смее да го користи за делување спротивно на правната држава. Човечките ковите животи мора да се штитат,а правната држава и демократијата да се почитуваат, порача Курц.