Заменик помошникот државен секретар на САД, Габриел Ескобар, вечерва истакна дека американската администрација силно ѝ се заблагодарува на Македонија за силната посветеност на земјата кон НАТО.
-Се надевам дека ќе ја продлабочиме соработката. Исто така, се надевам дека во многу брзо време ќе влезете во ЕУ. Заслужувате да бидете дел од европскиот блок. Завршивте неколку добри реформи што ве квалификуваат за да го почнете процесот, наведе Ескобар во интервју за емисијата „360“.
– Македонија е одличен пример за мултиетничка хармонија, одличен пример за мирно и ефикасно интегрирање во евроатланските институции и исто така, сте модел за спроведување на мирни, фер и слободни избори. Затоа, вие ни требате тоа да го извезете во регионот, констатира Ескобар.