Пет воздушни загадувачи предизвикуваат прерана смрт на околу 400.000 лица во земјите на ЕУ. Денес ЕУ одлучи да воведе нови стандарди кои ќе ја намалат оваа алармантна бројка за 50 проценти до 2030 година.
Петте воздушни загадувачи се сулфур диоксид (SO2), оксиди на нитроген (NOx), неметански органски честички (NMVOC), амонијак (NH3) и ПМ честичките, помали од 2,5 микромилиметри во дијаметар.
Новото законодавство беше одобрено денес во Европскиот парламент откако сите земји членки на ЕУ дадоа зелено светло. Тоа истовремено треба да ги намали и здравствените трошоци на државите членки.
Пет воздушни загадувачи предизвикуваат прерана смрт на околу 400.000 лица во земјите на ЕУ.
Застрашувачката бројка од 400.000 смртни случаи поради загадувањето на воздухот е за 10 пати поголема од бројот на загинати на европските патишта. Ова загадување чини 15 милијарди евра поради загубени работни денови и 4 милијарди евра за здравствени трошоци.
“Воздушното загадување е тивок убиец за кој малку зборуваме но кој е вистински сериски убиец и прави вистински масакр. Во некои градски средини воздухот е толку многу загаден што е поопасен од 10 испушени цигари на ден”, вели француската пратеничка Франсоаз Гростет.
Новиот закон фиксира прецизни бројки на плафонот на емисии на загадувачи што секоја земја треба да го примени. Така емисијата на азот оксид треба да се намали на 63 отсто во однос на 2005 година. За амонијакот намалувањето треба да биде од 19 отсто, за сулфур диоксид од 79 отсто а за ПМ честичките од 49 отсто.