Published: Tuesday, October 19, 2021 22:09
На аеродромот во англискиот град Манчестер во тек е евакуација, откако бил пријавен сомнителен пакет, изјави портпарол на аеродромот.
– По добиена дојава за сомнителен пакет, беше извршена контролирана евакуација на вториот терминал согласно стандардната процедура. Ние сме во близок контакт со полицијата во Манчестер, која е одговорна за реакција при вакви инциденти, истакна портпаролот.
Истовремено, аеродромот не соопштува за можни одложувања или откажувања на летовите од вториот терминал. Според веб страницата на аеродромот, се уште нема измени во распоредот на летови.