Eврокомесарот за проширување и соседска политика, Јоханес Хан денеска е во Скопје. Средбите со лидерите на политичките партии почнуваат на пладне, во 12.40 часот. Еврокомесарот Хан во земјава доаѓа заедно со уште тројцата европратеници Иво Вајгл, Едвард Кукан и Кнут Флекенштајн.
Првата средба на Хан ќе биде со лидерот на ДПА, Мендух Тачи.
Потоа, според агендата е закажана средба со БЕСА во 13 часот, а со Зијадин Села од Алијанса за Албанците Хан ќе се сретне од 13.50. Во 14.55 е со лидерот на ДУИ, Али Ахмети.
Средбата со Зоран Заев ќе се одржи во 16.10 часот, а во 17.45 Хан ќе се сретне со претседателот Ѓорге Иванов. Средбата со Иванов ќе биде во претседателската резиденција на Водно.
По претседателот предвидено е Хан да се сретне со претседателот на Собранието, но на агендата не е напишано името на спикерот на Собранието. Последната средба, во 20.15 ќе биде со поранешниот премиер и лидер на ВМРО-ДПМНЕ, Никола Груевски.
Изјава за медиумите е предвидена во 21.45 часот.