Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Европски ден за заштита на личните податоци: Граѓаните да бидат одговорни кога ги објавуваат своите податоци

0
By Marta Pesevska on January 28, 2023 ВЕСТИ, ОПШТЕСТВО
СПОДЕЛИ
Facebook Twitter LinkedIn Email
Published: Saturday, January 28, 2023 15:08

Граѓаните без оглед на возраста треба да бидат одговорни кога ги објавуваат или даваат своите лични податоци, апелираат од Агенцијата за заштита на лични податоци, укажувајќи дека бројот на злоупотреби секоја година се зголемува.

– Сите граѓани без оглед на возраста треба да бидат одговорни кога ги објавуваат личните податоци. Често гледаме како заради остварување на права, добивање на награди, кога аплицираат за нешто или за да одат на некое патување, со голема леснотија разменуваат свои податоци дури и слики и лични карти. За жал, некои од нив претрпеле или ќе претрпат парична загуба, нарушување на угледот и честа, дури и некогаш може да чини и нечиј живот. Затоа е потребно сите да се однесуваме одговорно во однос на нашите постапки, истакна Слободанка Славковска, виш супервизор од Агенцијата за заштита на личните податоци (АЗЛП) при одбележување на Европскиот ден за заштита на личните податоци.

На 28 јануари секоја година се одбележува Европскиот ден за заштита на личните податоци, на годишнината од донесувањето на Конвенцијата на Советот на Европа за заштита на личните податоци, првиот правно обврзувачки меѓународен документ во областа на личните податоци. Заштитата на личните податоци кај нас е гарантирана и со Уставот, а во февруари 2020 година беше донесен нов Закон за заштита на лични податоци. Целта на овој закон, покрај усогласување на националното законодавство со Општата регулатива за заштита на личните податоци (ГДПР) на Европската Унија, беше да одговори на предизвиците предизвикани од зголемената употреба на дигитални алатки во обработката на личните податоци.

Европскиот ден за заштита на личните податоци кај нас беше одбележан вчера, а властите и претставниците на ЕУ апелираа за доследно спроведување на Законот за заштита на личните податоци. АЗЛП, како што истакна нејзиниот директор Имер Алиу, се соочува и со недостиг на вработени.

АЗЛП ги потсети сите министерства и институции дека законските решенија и подзаконските акти што ги изготвуваат, треба да ги доставуваат и до нив за мислење.

На конференцијата организирана по повод Европскиот ден, Славковска посочи дека минатата година имало неколку законски решенија за коишто имаше негативни реакции во јавноста, а за коишто Агенцијата воопшто не била консултирана.

Во однос на нарушувањето на безбедноста на личните податоци, посебно кога се загрозени правата и слободата на граѓаните, Славковска исто така потсети дека сите контролори и обработувачи имаат рок од 72 часа од дознавањето на нарушувањето да ја известат Агенцијата и во одредени ситуации да ги известат и засегнатите граѓани.

За контролорите, односно имателите на податоците таа кажа дека при користење на новите технологии, контролорите треба да бидат одговорни и транспарентни кога обработуваат лични податоци.

– Сведоци сме дека наши сограѓани претрпеле материјална штета затоа што некој контролор се однесувал неодговорно и не применил соодветни мерки за заштита на личните податоци, посочи таа.

Граѓаните и правните лица можат да ги пријават повредите или злоупотребата на личните податоци преку веб-страницата на АЗЛП, која од неодамна има нова веб-страница изготвена со помош на ЕУ.

– Концептуално веб-страницата е поделена во два битни дела, едниот посветен на граѓаните, а другиот на контролорите. Во двата дела има понудено насоки. Конкретно, кај граѓаните како да си ги заштитат личните податоци во случај доколку се сомневаат дека им се злоупотребени, додека кај контролорите повеќе се насочивме на прашања поврзани со импелементација на Законот за заштита на личните податоци, рече Славковска.

На веб-страницата можат да се најдат примери од праксата и линкови од дополнителна литература поврзана со конкретната содржина – водичи, информатори и видеа. Веб-страницата содржи и обрасци и услуги што ги нуди Агенцијата.

– Кај контролорите на пример, покрај обрасците коишто се уредени и се предвидени со прописите за заштита на личните податоци предвидовме и дополнителни обрасци кои ги подготвивме во рамките на твининг-проектот. Многу наскоро ќе објавиме и нови обрасци, најави Србиновска.

Многу скоро ќе бидат објавени и анкети за различни актуелни прашања.

Преку веб-страницата одредени барања ќе можат да поднесуваат и граѓаните и офицерите за заштита на личните податоци, предвидени се и форми за самоевалуација.

АЗЛП наскоро ќе почне постапка за нова стратегија за работа за што на веб-страницата ќе биде упатен повик за учество до сите засегнати страни. 

Извор: МИА

европски ден заштита на лични податоци обработка на лични податоци
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.