Европската комисија мора да ја засили својата борба против „олигархиските структури“ во земјите на ЕУ, заклучија пратениците во парламентарната комисија за контрола на буџетот. Во извешатјот кој беше предмет на комисиската расправа вчера, тие рекоа дека олигарсите и нивните мрежи се однесуваат како држави во држави.
– Олигархиските групи владеат во нивните сопствени интереси, без оглед на демократијата, нивното влијание „достигна невидена големина во изминатите неколку години“ во ЕУ, се вели во извештајот.
Потегот на Европскиот парламент да ја поттикне извршната власт на ЕУ да се справи со корупцијата во блокот доаѓа истиот ден кога трансатлантскиот парламентарен сојуз против клептократијата, вклучително и европратеници и членови на американскиот Конгрес, повикаа на санкции за корумпирани поединци во Унгарија.
Извештајот, исто така, доаѓа пред одлуката на Европскиот суд на правдата (ЕСП) следната недела, за нова алатка која ќе му овозможи на блокот да ги суспендира средствата за земјите-членки во случај на прекршување на владеењето на правото.
Таа одлука би можела да и дозволи на Комисијата да ги блокира средствата на ЕУ за Будимпешта и Варшава, стои во текстот на ЕУОбзервер.
Бабиш, Орбан.
Во својот извештај, европратениците користеле примери, вклучувајќи го и оној на поранешниот чешки премиер Андреј Бабиш, кој беше прозван во Пандора Пејперс за користење офшор финансирање за стекнување недвижен имот во Франција.
Ревизијата на ЕУ, исто така, откри дека Бабиш неправилно го контролирал неговиот конгломерат за храна и земјоделство, кој добивал субвенции од ЕУ, иако тој негираше.
Европратениците ги именуваа Бугарија, Чешката Република, Унгарија, Словачка и Романија како држави каде што нееднаквото исплатување на земјоделските фондови на ЕУ беше „многу проблематично“.
Резолуцијата за борба против олигарсите ќе биде изгласана на собраниската пленарна седница на крајот на март.
Во сличен развој на настаните, европратениците и членовите на американскиот Конгрес во Интергрупата за борба против корупцијата меѓу двајцата законодавци во четвртокот повикаа на санкции од ЕУ и САД против поединци во Унгарија.
„Клептократите не ги крадат само парите на даночните обврзници“, изјавија во заедничката изјава германскиот европратеник од Зелените Даниел Фројнд и американскиот претставник Том Малиновски. „Тие исто така систематски ја загрозуваат иднината на нашите демократии. Даниел Хегедус, соработник во германскиот Маршалов фонд во Берлин, изјави за EUobserver дека извештајот на парламентарната комисија за буџет е дополнителен знак дека парламентот е водечка институција во ЕУ во обидот да се справи со корупцијата.
Но, „парламентот сам по себе не може да го трансформира политичкиот пејзаж во ЕУ“, предупреди Хегедус. Парламентот, исто така, се закани дека ќе ја изведе комисијата пред суд затоа што не постапила против Полска и Унгарија поради прашањата поврзани со загриженоста за владеење на правото и корупцијата.