Таен влез во апликацијата којшто таму бил намерно оставен и овозможува на „Фејсбук“ да ги пробие сите проаки во глобално популарната апликација Whats App, објави денеска британски „Гардијан“. Овој влез е откриен од страна на Тобиас Боелтер, криптограф и истражувач на Универзитетот „Беркли“ во Калифорнија, САД.
Компанијата „Фејсбук“ којашто ја купи оваа апликација тврди дека ниту тие ниту било кој од вработените немаат можност да ја пробијат приватноста на милијарди корисници. Но, новите истражувања покажувааат дека компанијата може да ги чита овие пораки бидејќи на апликацијата бил имплементиран посебен енкрипциски протокол.
Активистите за борба за заштита на приватноста постојано повторуваат дека апликациите и социјалните мрежи не се транспарентни и искрени кога станува збор за заштитата на податоците. Тие со години ги обвинуваат големите компании дека податоците им ги даваат на влаадите за да ги шпионираат своите граѓани. Играјќи токму на овој сентимент, Whats App целиот свој имиџ го базираше на приватноста, па стана омилена апликација за комуникација на активистите, новинарите, дисидентите и дипломатите. Неговите основачи се трудеа да успеат на тој пазар токму со картата на приватноста. Но во 2014 година „Фејсбук“ ја купи апликацијата, а оттогаш се и озборувањата дека таа повеќе не е безбедна. Ова истражување е првото кое докажува дека апликацијата има намерна „грешка“ односно тој таканаречен таен влез којшто овозможува шпионирање.