Вишата обвинителка Фатиме Фетаи за „Фокус” изјавила дека трошоците за да го проследи фудбалскиот натпревар во Палермо сама ги покрила, одговарајќи на реакциите кои денеска се појавија во медиумите.
-Пред се сакам да им честитам на нашите фудбалери и на сите граѓани кои се радуваат на победата на нашата држава за многу значајната победа над Италија и да посакам иста таква да оствариме и во Португалија, изјави обвинителката за „Фокус“.
Секако дека трошоците поврзани со следењето на натпреварот на нашата репрезентација против Италија и на овој и на другите, сама ги покривам. Да се радуваме заеднички на овој и тоа како заслужен успех, изјави обвинителката Фетаи.
Претходно и министерот за правда, Никола Тупанчевски даде изјава дека и тој на свој трошок бил во Палермо.