Екс играчот на Шкендија, моментно член на унгарски МОЛ Фехервар, Висар Муслиу е прогласен за најдобар фудбалер во домашната сцена за 2019 година додека признанието за најдобар македонски репрезент во странство му припадна на Елиф Елмас од Наполи. Фудбалската федерација на Македонија ги прогласи најдобрите за 2019 година, а двајцата членови на националниот тим беа централни фигури на синоќешната свечена церемонија.
Тренер на годината е Југослав Тренчовски кој со Академија Пандев го освои Купот. Влатко Стојановски кој сега игра за Ним, а во минатата сезона беше во Ренова, е прогласен за најдобар стрелец во првата лига.
Џемаил Ибиши од Вардар е најдобар млад играч, додека Флорент Рамадани од Шкендија е најдобар стрелец во младинска конкуренција. Шкендија е најдобар клуб во младински фудбал, а најдобар тренер во категоријата е Филип Деспотовски од Вардар.
Најдобра фудбалерка за 2019 година е Ленче Андреевска од Каменица Саса. Најдобар тренер во женски фудбал е Илија Мандаров од ЖФК Драгон, клуб кој освои двојна круна, додека Ели Јакоска е најдобар стрелец во женскиот фудбал.
Таулан Исмаили од КФМ Шкупи е најдобар фудбалер во футсал. Марјан Гоцевски е најдобар судија, а Академија Пандев беше прогласена за фер-плеј екипа.