При пушење цигара, прстите доаѓаат во контакт со усните што ја зголемува можноста за пренесување на вируси од рака на уста. Ова ги прави пушачите поранливи на ковид-19 и затоа треба да бидат особено внимателни, објави министерот за здравство, Венко Филипче на својот Фејсбук профил.
Пушачите, посочува министерот, исто така, може да имаат веќе заболувања на белите дробови или намален капацитет на белите дробови, што во голема мерка може да го зголеми ризикот од сериозни заболувања.
Состојби што ги зголемуваат потребите за кислород или ја намалуваат способноста на телото правилно да го користи, ги става пациентите со поголем ризик од сериозни белодробни заболувања, како што е пневмонијата, истакнува Филипче.