Вакцините функционираат заедно со вашиот имунолошки систем, така што ќе бидете подготвени да се борите против вирусот, доколку сте изложени на него, вели Филипче
Ефикасноста на вакцините против ковид-19, ја потврдуваат многу анализи. Вакцините штитат од тешка форма на болеста, од хоспитализации и смртен исход. Анализите на Министерството за здравство утврдија дека меѓу 79% и 81% од хоспитализираните пациенти со ковид се невакцинирани, објави на својот Фејсбук профил министерот за здравство, Венко Филипче.
Тој вели дека истражувањето на Finance Think 
bit.ly/3lFwpgB потврдува дека во последните три и пол месеци има 14.500 помалку заразени, 4.595 помалку неделни хоспитализации, а вакцинацијата ја намалила хоспитализацијата помеѓу 37,9 и 46,5 отсто. За 2,8 милиони евра се пониски трошоците за хоспитализација во последните 5 недели од делта бранот.