Од 2018 до сега некаде 8.300 согласности се дадени и реализирани вработувања, лекари, медицински сестри, помошен технички персонал на определено, неопределено време, договор на дело. Зголемени се платите на лекарите специјалисти, практично дуплирани, некаде достигнуваат и до 160 илјади денари во зависност од дежурства, изјави Министерот за здравство, Венко Филипче, одговарајќи на пратенички прашања.
– Навистина голема инвестиција направивме за здравствените работници изминатите 3 години и имајќи предвид дека во различни нивоа на здравствена заштита работат различни специјалисти и оваа категорија на лекари кои што изразија незадоволство посебно за изминатиот период и врз основа на кои барања започнавме разговори, не само во делот на финансирањето на нивниот дел од работата туку и суштински го избравме дел од системот кој што понатаму не би требало да доведе до вакви промени, потенцира Филипче.
Понатаму, како што додава, во делот на младите лекари, сите имаат платен стаж, 30 илјади денари без никаква дискриминација за примање на работа.
– Во изминатиот период до пред два три месеци практично немаше млад лекар кој што беше невработен или неангажиран, сега секој месец како доаѓаат циклусите на полагање на испитите во лекарската комора имаме многу нови групи лекари кои што исто така ги комуницираме и ги ангажираме. Понатмау, во делот на матичните лекари зголемување од 20%, еден дел од концептот на промена на начинот на функционирање со измена на Законот за заштита кој што сега сакаме да го направиме, прво јавно ќе го искомуницираме, верувам дека ќе има дебати во собранието, поддржана од сите политички партии, додаде Филипче.
Според него, сите чинители, синдикати, лекарска комора и т.н со цел да се дозволи флексибилност на работата на лекарите, да може да работат било каде после завршување на работното време, во јавното здравство или во приватните ординации, таму каде што ќе имаат закажани пациенти или помеѓу примарното и секундарното здравство, односно секундарните гинеколози и педијатри да може да прикрепат пациенти како матични, посебно регионите каде што има недостаток навработени, а матичните лекари да можат да дежураат за соодветна сума на пари во јавно здравствените установи.
На тој начин, како што рече Филипче, со еден флексибилен модел ќе го зголемиме пристапот на граѓаните и пациентите до лекарската услуга.