Венко Филипче: Свесен сум дека процесот на консолидација на партијата ќе трае и дека не сме го завршиле целосно. Но, апсолутно, партијата е во кондиција да трча и на локални и на парламентарни избори. Сепак, да видиме како ќе заврши оваа криза во владејачката коалиција што трае подолго време, а сега само излегува на површина. А се поставува и прашањето на колку здрава основа била поставена коалицијата и кога се правеше владата минатата година, но тоа оставам на нивј. Еве гледате и од страна на министрите од ВЛЕН каков хаос е и во здравството и во екологијата. Зарем гледате дека нешто се работи? Апсолутно ништо не се работи. Очигледно е дека се заинтересирани само за своите партиски интереси, сега во контекст на локалните избори, кој која општина ќе ја земе, на кој начин може да ја земе и на колку советници може да смета. Актуелната криза само ги покажува слабите темели на кои била изградена владината коалиција. Влегуваме во критичен, тежок и неизвесен период, а во контекст на ставот на Владата кон евроинтеграцискиот процес. Сметам дека владејачката коалиција покажува голем степен на кукавичлук и не сака да се фати и да ги решава големите проблеми знаејќи дека голем дел од политичкиот рејтинг кога се решаваат крупни прашања за државата се губи.
Извор: ТВ Сител