Кампањата на Александар Филиповски, кандидат за градоначалник на општина Аеродром продолжи со садење на нови дрвја во Долно Лисиче. Филиповски, заедно со кандидатите на советници од СДСМ и коалицијата организираа еко – акција, со цел да ја подигнат јавната свест за заштита на животната средина.
Во програмата „Најдоброто за Аеродром“ предвидено е и садење на повеќе од 5.000 висококвалитетни дрвја рамномерно по сите населби. На овој начин, дополнително ќе се зголеми зеленилото во општината.
Сепак, мора да се грижиме и за постоечкото зеленило. Затоа, ќе поставиме системи за наводнување по маалските паркови. Аеродром е познат по маалскиот живот, а овие паркови се „душата“ на нашата општина и мора хигиената и зеленилото во рамки на тие зони да биде на повисоко ниво, посочи Филиповски.
Кандидатот за градоначалник и неговиот тим денеска се во Долно Лисиче, каде што остваруваат повеќе средби со граѓани.
Во разговор со жителите, Филиповски истакна дека за овој дел се предвидуваат повеќе инфраструктурни активности: реконструкција на улица „2“, нова водоводна мрежа на ул. „12“, како и изградба на нова сала за реонското основно училиште „Гоце Делчев“.