Ѕвездата на мадридски Реал и на репрезентацијата на Португалија, Кристијано Роналдо, според магазинот „Форбс“, е спортистот со најголема заработувачка во светот во 2016 година. На неговата сметка лани легнале 88 милиони евра што го прават само втор претставник од екипните спортови на врвот на листата од 1990 година. Во таква позиција во минатото се најде легендарниот американски кошаркар, Мајкл Џордан.
На второто место е Аргентинецот Лионел Меси кој од плати, бонуси, премии во Барселона и од реклами зарабти 81 милон евра. Зад двајцата фудбалери е Леброн Џејмс, кошаркар на Кливленд, со 77 милиони долари, а топ 5 го заокружуваат швајцарскиот тенисер Роџер Федерер со 67,8 милиони долари и Кевин Дурент, играч Голден Стејт во НБА лигата, со 56,2 милиони долари.
Меѓу 100-те најбогати на листата според заработувачка се само две жени, двете тенисерки. Американката Серена Вилијамс е на 40 позиција со 28,9 милиони долари, Русинката Марија Шарапова е 88. со 21,9 милиони долари.
Најголем број меѓу 100-те најбогати спортисти се играчи на бејзбол (26), а по нив следуваат играчите во американски фудбал (21), кошаркари има 18, фудбалери 12.
Роналдо е водечки спортист во светот и на социјалните мрежи. На Фејсбук, Твитер и Инстаграм тој има 215 милиони следбеници пред клупските колеги од Барселона, Меси со 131 милион и Нејмар со 129 милиони.
Листа на спортисти со најголема заработувачка во 2016 година
Кристијано Роналдо (Португалија/фудбал) – 88 милиони долари
Лионел Меси (Аргентина/фудбал) – 81
Леброн Џејмс (САД/кошарка) – 77
Роџер Федерер (Швајцарија/тенис) – 67,8
Кевин Дурент (САД/кошарка) – 56,2
Новак Ѓоковиќ (Србија/тенис) – 55,8
Кем Њутон (САД/американски фудбал) – 53,1
Фил Микелсон (САД/голф) – 52,9
Џордан Спит (САД/голф) – 52,8
Коби Брајант (САД/кошарка) – 50, итн.