Десетина иселеници од Македонија во Швајцарија денеска се собраа на плоштадот во Берн во знак на поддршка на Шарената револуција. Со плакати СЈО и ликот на трите обвинителки Катица Јанева, Ленче Ристовска и Фатиме Фетаи, како и македонски знамиња, иселениците во Берн се приклучија на притисокот кон власта во Македонија.
Досега во неколку наврати протести се одржаа во Брисел, Лондон, Виена, Торонто, Загреб и во други градови. Паралелно, веќе осум недели се протестира и во повеќе градови нзи Македонија, а секојдневно во Скопје.
Граѓаните обединети под Шарената револуција веќе осум недели преку протести бараат повлекување на целосната одлука за аболиција и оставка на Иванов, формирање на специјално одделение на Кривичниот суд за предметите на Специјалното јавно обвинителство, оставка на Владата предводена од ВМРО-ДПМНЕ и ДУИ, како и итно ослободување на притворените демонстранти. Дел од барањата се и вклучување на граѓанското општество во решавање на кризата и формирање на преодна влада.