Олимписките Игри во Токио веќе почнаа со натпреварувачкиот дел, иако свечената церемонија на отворање не е одржана. Денешниот ден беше резервиран за фудбалскиот турнир во женска конкуренција, а наскоро ќе имаме можност да гледаме и бројни пливачки трки. Меѓу пливачките кои во Јапонија пристигнаа со желба за медал и, секако, одбрана на златото од Рио, секако, е Данката Пернил Блум. Таа важи за една од најатрактивните спортистки на претстојната Олимпијада, а, освен со провокативни фотографии, вниманието врз себе го сврте и со една изјава.

Блум во Рио се закити со златен медал во трката на 50 метри во слободен стил, а пред поаѓање за Токио даде шокантна изјава за данските медиуми.

– Кратко по Игрите во Рио де Жанеиро почнав да добивам пораки од сексуална природа. Најголем дел од пораките што ги добивам на социјалните мрежи се многу недолични, рече Блум и откри што се случувало на еден настан пред четири години.

– За време на гала вечера на која бев прогласена за спортистка на годината, имаше доста луѓе кои сакаат да се фотографираат со мене. И тоа е убаво. Но, го имаше доста и оние кои насекаде по мене ги ставаа своите раце, предолу под мојот грб. Исто така, ми шепотеа разни валкани работи на уво, откри данската олимпијка во пливање.

Во 2018 година откри дека добивала и смртни закани. 

– За време на Европското првенство во 2018 година, одбрав да пливам на нешто поинаков начин од вообичаениот во полуфиналето на 100 метри. Тоа резултира со закани за смрт. Дури говореа и дека треба да ме протераат од Данска, порача Пернил Блум.