Published: Sunday, July 17, 2022 12:50
„Денес во Софија, втор состанок на Заедничката меѓувладина комисија на Северна Македонија и Бугарија. Ги нотиравме сите активности и проекти кои произлегоа од работните групи, активностите поврзани со Коридорот 8, соработката во туризмот, културата итн. Го потпишавме Протоколот, кој претставува записник од состанокот на Комисијата кој ќе ни овозможи засилен ангажман во унапредување на билатералните односи“, објави на својот Фејсбук профил, министерот за надворешни работи, Бујар Османи, кој денеска во Софија со неговата колешка, Теодора Генчовска, го потпишаа билатералниот протокол по состанокот на заедничката меѓувладина комисија.
Во објавата тој додава:
„Добивме цврста поддршка за нашите европски интеграции, која ќе се реализира утре и задутре во Брисел, преку одржување на Првата Меѓувладина конференција, почеток на скрининг процесот и старт на преговорите“.
