„ Франција го поздравува новиот пристап на разговори меѓу Северна Македонија и Бугарија во обид за надминување на ситуацијата , а ние и останатите европски институции спремни сме во даден момент да ја преземеме својата одговорност, изјави амбасадорот на Франција во земјава Сирил Бомгартнер , прашан за очекувањата дали до крајот на француското претседателство би можеле да се надеваме на одлука за старт на преговорите со ЕУ а врз основа на учинокот од билатералните разговори Скопје-Софија.
„ Не можам прецизно да одговорам бидејкји работата е во тек и е билатерална во која преговараат двете земји, она што е јасно е новиот пристап во преговорите и се води дијалог на највисоко ниво и тој е интензивен и е билатерална работа за која се разговара на конкретни теми. За нас е важно, редовно и постојано да сме информирани за сите прашања и токму и тоа се случува има и заемно информирање меѓу двата града инаку постои совршена координација меѓу градовите и европската интеграција но овој проблем е во билатерални рамки. Ние како француско претседавање го охрабруваме ова раздвижување и спремни сме во даден мномент да ја преземеме својата одговорност, изјави Бомгартнер мислејќи на македонско-бугарската разврска за надминување на недоразбирањата.
Бомгартнер истакна дека агендата ја утврдуваат двете земји а дека резултатот ќе се цени според развојот на настаните и разговорите во рамки од сите работни групи. Француското претседателство е спремно да се преземат конкретни чекори за крајот кој го очекуваме како исход сите. Позицијата на Франција е со безрезервна поддршка колку е можно побрзо отворање на претпристапните преговори и за Северна Македонија и за Албанија доколку Македонија и Бугарија дојдат до завршница која ја очекуваме и посакуваме сите и би додал дека на Франција и е чест тоа да се случи под француското претседателство, истакна францускиот дипломат во земјава.
Амбасадорот Бомгартнер, учествуваше на конференција за спортска дипломатија , која под покровителство на кабинетот на премиерот Ковачевски денеска се одржува во Министерството за надворешни работи.
(М.Т.)