Поддршка за договорот за пријателство меѓу Македонија и Бугарија дојде денес и од ФРОДЕМ, Фронтот за демократска Македонија. Во нивното соопштение тие велат дека Македонија одбива да биде криминализирана, пропадната енклава на Балканот:
“Договорот е голем исчекор за Македонија во евроатланските интеграциони процеси. Со подобрувањето на односите со Бугарија, Македонија јасно докажува дека е фактор на стабилизација и развој на добрососедските односи на Балканот. Фактор за затворање на спорните прашања со соседите.
Со овој договор Македонија јасно покажува дека одбива да биде затворена, криминализирана, пропадната енклава на Балканот. Овој договор е почеток на крајот на криминалното антимакедонско мешетарење на остатоците од ненародниот режим. Почеток на крајот на долгогодишните вештачки заладени односи.
Кремот на бугарското општество е со потекло од македонските краишта. Во оваа смисла, Македонија не може да посака поголем сојузник и европски промотор на нашите интереси и заедничките вредности.
Груевски, фрустрираниот екс советник на анахрони српски структури, не може да се помири со фактот дека не одработи доволно добро за изолацијата на Македонија. Сега, криејќи се зад нелегитимни квази партиски органи, преку неподржување на договорот и преку блокади на парламентот, се обидува да се испазари за аболиција на неговиот криминал. Купува време, со кое само си ја продолжува агонијата. Сите наоколу ги лаже дека новата власт нема капацитет да се справи со неговото злосторничко здружение. Кова шупливи планови со двојно дно. Преку лажни внатрепартиски реформи, блокади и корумпирање се обидува да се спаси”, вели ФРОДЕМ.