Благодарение на Македонија, за 90 проценти е намален бројот на илегални преминувања на надворешните граници ЕУ во регионот на Западен Балкан, во споредба со претходните месеци, соопшти граничната служба на ЕУ „Фронтекс“.
Во март 4.930 мигранти илегално ја поминале границата, што е за 10 проценти помалку во споредба со истиот месец во 2015 година.
Според „Фронтекс“, благодарение на договорот на ЕУ со Турција за ограничување на мигрантскиот проток и операцијата на НАТО во Егејското море, значително е намален бројот на мигрантите кои пристигнуваат на грчките острови.
Во текот на март тој број бил 26.460, што е помалку од половина од бројот регистриран во февруари оваа година, а е сепак три пати поголем од март минатата година.
– Во првата половина од април се регистрирани 100 лица кои пристигнуваат дневно, се посочува во соопштението од „Фронтекс“ и се додава дека се зголемува мигрантскиот проток по централно средоземноморската маршрута преку Италија односно во март 9.600 мигранти пристигнали на Апенинскиот полуостров.