Фудбалот е повеќе од игра, фудбалот е бизнис, фудбалот не познава граници што не важат и за маркетингот. Сето ова повеќе не е дилема, па клубовите неретко знаат да минат некаква замислена „црвена линија“, ако воопшто таква и постои, во трката по профит.
Имун на новото време не е ниту актуелниот европски првак, Реал Мадрид кој води сметка за сопствена пропаганда и постојано лансира новитети со намера да се доближи до фановите на секаков можен начин. Покрај сите можни реквизити со грбот на тимот што се достапни за навивачите, „кралскиот клуб“ овојпат и со несекојдневен потег.
Рекламната порака би можела да гласи – „Ако сте навивач на Реал, а сте блиску до судниот ден – може да заминете на оној свет во сандак на кралскиот клуб“. Производот имаше и своја промоција во Мадрид, направен е од дрво, потсетува на стадионот „Сантијаго Бернабеу“ и овозможува најголем можен комфор за покојникот. Амблемот на Реал е присутен и во внатрешноста, на перницата, на чаршафот, итн.