Протестите на Шарената револуција, освен во Скопје, денеска се одржаа во повеќе градови низ земјава. Граѓаните денеска најавија протести во Битола, Велес, Штип, Крива Паланка, Берово, Делчево, Струмица, Радовиш, Ресен, Прилеп и Демир Хисар.
Во барањето на Шарената револуција се вели:
„Бараме итно поништување на одлуката за одржување избори на 5 јуни и итно поништување на одлуката за аболиција на оние против кои е покренато обвинение од страна на СЈО! Бараме заштита на СЈО и гаранција дека оваа институција ќе продолжи да работи без никакви пречки и во интерес на правдата во Македонија. Уставниот суд итно да се произнесе за уставноста на СЈО и да се овозможи криминалците да бидат соодветно казнети! За Македонија ќе се разговара и преговара во Скопје, а во решавањето на кризата мора да бидат вклучени и независни претставници на граѓанското општество. Конечно, бараме оставка од непретседателот Иванов, формирање специјално одделение на Кривичниот суд надлежно за случаите на СЈО и формирање преодна влада која докрај ќе ги имплементира итните реформски приоритети од извештајот на Прибе“!
