Општина Гази Баба објави јавен повик за финансиска поддршка на млади програмери од територија на општината. Предмет на јавниот повик е финансиска поддршка за ИТ обука до 60.000 денари на млади програмери до 29 години со живеалиште на територија во Гази Баба, согласно со утврдени критериуми во правилник.
„Цели на јавниот повик за финансирање е финансиска поддршка за обука, усовршување или доедукација на млади програмери не постари од 29 години со живелиште на територија на општина Гази Баба, во некоја од напредните ИТ области во меѓународно сертифицираните едукативни тренинг центри за ИТ во Република Македонија“, велат од општините.
Како што се додава идејата е да се поттикнат младите програмери слободно да размислуваат и да наоѓаат креативни решенија за проблемите и прашањата со кои се соочуваат како и да се мотивираат оние што дипломирале да размислуваат иновативно менувајќи ја локалната заедница во различни сегменти на нејзиното функционирање.
„Да се охрабрат младите програмери со доедукација во некоја специфична област да ги препознаат своите способности, да ги усовршуваат своите вештини и да соработуваат во насока на изнаоѓање на иновативни решенија за потребите на локалната заедница“, изјави и градоначалникот Бобан Стефковски на својата фејсбук страница.