Десетмина учесници во Шарената Револуција денеска пред Собранието со герила акција ги „бетонираа“ предвремените парламентарни избори кои беа закажани за денеска, но по бојкотот на поголем дел до партиите тие се одложија.
Со бетон, гласачка кутија и свечена лента активистите пред Собранието симболично отворија гласачкo бетонирано место. Единствениот граѓанин кој „гласаше“ го пречкрта Груевски.
Акцијата е пародија на најавите нa члениците на владејачката партија кои тврдеа во повеќе јавни настапи тврдеа дека нема отстапување од датумот за избори.
Пред четири месеци и екс – премиерот Никола Груевски соопшти дека прифатил одложување на изборите закажани за април, бидејќи добил цврста поддршка од меѓународната заедница за финален датум за избори – 5. јуни.
-Ова ќе е единствено пролонгирање, дека до изборите на 5 јуни повеќе нема да има разноразни преговори за изборите бидејќи и тие веруваат дека ДИК има доволно време, дека нема да има никакви нови преговори вклучувајќи го и законот за медиумите и дека нема да има нови проценки, тогаш изјави Груевски.
До овој момент, партиите сè уште немаат постигнато договор за тоа кога би се одржале изборите.