Германија може да го реши проблемот само со квалификација на неквалификуваните работници и лицата чии работни места се изгубени поради технички промени, дозволувајќи им на женските принудни хонорарни работници да работат подолго – и пред се, со внесување имигранти во земјата, изјави Шиле.
На Германија ѝ требаат годишно околу 400.000 квалификувани имигранти за да го надомести недостатокот на работна сила, изјави шефот на Федералната агенција за вработување (БА), Детлеф Шиле, пренесе ДПА.
„За мене ова не се однесува на азилот, туку на насочената имиграција за празнините на пазарот на трудот“, изјави Шиле за дневниот весник „Зидојче цајтунг“.
„Од нега и климатизација до логистичари и академски граѓани – насекаде ќе има недостаток на квалификувани работници“, рече тој.
Тој го отфрли можниот отпор кон миграцијата како решение за работни прашања.
„Можете да станете и да кажете „не сакаме странци“. Но, тоа не функционира“, рече Шиле. „Факт е дека Германија има потреба од работници“.
Поради демографските случувања, само годинава бројот на потенцијални работници во потребната професионална возраст ќе се намали за речиси 150.000 оваа година, наведува шефот на агенцијата за вработување. „Ќе биде многу подраматично во следните неколку години“, смета тој.
„Германија може да го реши проблемот само со квалификација на неквалификуваните работници и лицата чии работни места се изгубени поради технички промени, дозволувајќи им на женските принудни хонорарни работници да работат подолго – и пред се, со внесување имигранти во земјата“, изјави Шиле.
Шиле смета дека недостатокот на работна сила е клучното прашање со кое треба да се справи идната влада по федералните избори во Германија следниот месец, пренесува ДПА.