Германската група Querdenker го води движењето против рестриктивните мерки во Германија. Querdenker во превод значи „латерални мислители“ што би требало да имплицира дека оваа група луѓето мислат на креативен или оригинален начин. Во овој случај тоа значи неверување во Корона вирусот, спротивставување на рестриктивните мерки и други теории на заговор.
Шефовите на германските разузнавачки служби ставаат под набљудување делови од протестното движење Querdenker кое е против локдаунот и останатите мерки околу Корона вирусот во Германија.
Германските надлежни органи сметаат дека оваа група има врски со други крајно десничарски движења. Властите ги наведоа врските помеѓу движењето Querdenker и екстремно десничарското Reichsbürger (граѓани на Рајхот) движење и индивидуалистичките групи Selbstverwalter (Самоуправување). Членовите на обајцата сметаат дека не подлежат на законите на германската држава.
„Овој развој мора да се запре по секоја цена“, рече претседателот на советот на Евреите во Германија, Јозеф Шустер.
Querdenker беа главните организатори на анти-Корона протестите во неколку градови во Германија. Минатата година Querdenker започнаа со организација во Штутгард, но нивното движење се прошири дури и до Берлин, главниот град на Германија, каде илјадници луѓе имаа демонстрација на 28ми август, 2020, протестирајќи ги владините мерки. Не сите луѓе кои присуствуваа на протестот во Берлин во август беа поврзани со групата но самиот факт што толку многу луѓе се појавија на таков протест беше загрижувачко.
Querdenker движењето исто така изгледа дека има врски со крајно десничарското движење QАnon кое започна онлајн и беше во главно беше фокусирано на САД, иако сега може да се каже дека нивното влијание е распространето низ целиот свет.
Тешко е да се дефинира што точно е QAnon, но кратката дефиниција би била дека QAnon е всушност збир на крајно десничарски теории на заговор кои може да се каже дека официјално започнале на imageboard форумот 4chan на 28ми октомври, 2017 кога се појавил првиот таканаречен „Q drop“, односно првиот пат кога корисникот што се потпишувал со буквата Q прв пат постирал. Личноста која се потпишува со буквата Q тврди дека тој има висока позиција во владата на САД и преку своите постови оваа личност ширеше невистини кои се базираат врз расизам, сексизам и најмногу врз нова форма на анти-семинитизам. Главната теза на QАnon движењето е дека светот го владеат тајна кабала на сатанисти и канибалистички педофили кои исто така водат глобален синџир за трговија со деца, a сега дел од нивните теории е и неверување во Корона вирусот. Движењето QАnon го гледаше поранешниот американски претседател Доналд Трамп како нивниот месија кој би ги сопрел наводните сатанисти и педофили.
Deutschlandfunk пишува дека на многу демонстрации од Querdenker движењето може да се видат симболи на QАnon, како и нивни поддржувачи. Не е јасно до крај што е врската помеѓу овие две движења, но дефинитивно не е случајност што и едното и другото движење почнуваат со буквата Q. Односно, изгледа дека Querdenker до некаде сакаат да бидат асоциарани со QАnon.
Елена Гаговска