Новиот стадион во тренинг центарот на Барселона ќе носи име „Јохан Кројф“ по легендарниот холандски фудбалер и тренер кој почина пред една година. Ова го потврдија од каталонскиот гигант пришто, во соопштението до јавноста, наведоа дека ќе постават статуа со неговиот лик пред „Камп Ноу“.
Јохан Кројф почина на вчерашен ден во 2016 година од рак на градите на 69 годишна возраст. Покрај именување на стадион и подигнување на статуа, Барселона поднесе официјално барање до градските власти за добивање и улица со негово име.
Холанѓанецот, според многумина, важи за творец на модерната Барселона. Како фудбалер пристигна на „Камп Ноу“ во 1973 година и ги предводеше Каталонците до првата титула по пауза од 10 години. Подоцна се врати во клубот и како тренер и под негово водство клубот стигна до четири, едноподруго, титули во Примера и во Лигата на шампиони во 1992 година.