Евроамбасадорот во земјава, Дејвид Гир, преку твитер упати честитки до министерот за надворешни работи, Бујар Османи и Владата за, како што пишува, успешната организација на првиот „Преспа форум дијалог“.
„Пораките од Европската унија беа јасни: 1. Иднината на Западен Балкан е во Европската унија. 2. Патот до Европската унија се одвива преку реформи. Ова е во интерес на сите и ќе им помогне на младите од Западен Балкан да ги реализираат своите аспирации за подобар живот дома. 3. Кога разговараме за иднината на Европа, сакаме да ги слушнеме гласовите од Западен Балкан. 4. Европската унија ќе го испорача ветеното“, пишува Гир.
2 The path to🇪🇺lies through reforms. These are in the interests of everyone and will help young people from WB to realise their aspirations for a better life at home. 3 When discussing Europe’s future we want to listen to voices from WB. 4 🇪🇺 will deliver on what was promised 2/2 pic.twitter.com/1oEQ7JJQ13
— EU Ambassador David Geer (@AmbassadorEU) July 5, 2021
Евроамбасадорот за време „Преспа форум дијалог“ учествуваше на младинскиот форум, каде нагласи дека младите од регионот ги споделуваат истите проблеми со своите врсници од Северна Македонија, додавајќи дека за настаните за младите во регионот се издвоени 15 милиони евра.
– Младите овде и во регионот, многу се свесни за проблемите со кои се соочуваат. Критични се, но и отворени, оптимисти и бараат промени. И припаѓаат на генерацијата, која ќе ги понесе надежите и ќе овозможи позитивни промени. Тоа е генерација која ќе ја понесе земјата кон Европската Унија. Ќе донесат нови иновативни и зелени начини кои ќе обезбедат пристап кон ЕУ и европските процеси, рече Гир.