Доцна ноќеска од пред Врховниот суд е отстранет споменикот на Андон Ќосето. На социјалните мрежи објавија видеа од вадењето на споменикот, за кој беа најжестоки барањата да биде тргнат поради неговата контровезност во историјата.

Споменикот беше отстранет без најава. Најголем број од спомениците беа поставувани ноќе од страна на власта на ВМРО ДПМНЕ.

https://www.facebook.com/stoilkovicb/videos/1744324142293602/

Работниците кои утрово го вадеа споменикот за САКАМДАКАЖАМ.МК рекле дека добиле налог од властите на Град Скопје и дека по отстранувањето, ќе го носат во магацините на поранешната фабрика Металскиот завод Тито, но засега нема официјална изјава од Градот.

Споменикот, на ликот на Андон Јанев-Ќосето, во историјата познат и како ликвидатор во ВМРО, е еден од петте споменици кои беа поставени на 7 септември 2014  на различни локации во Скопје,заедно со уште четири други, во пресрет на 8 септември, кога се одбележуваше 23 години од независноста.

Како што беше објснето тогаш тоа се споменици на „споменици на македонски великани, посветени на Националната борба за независност на Република Македонија“.

Град Скопје ги доби како донација од Здружението за духовно обединување на Сетинци, Попадинци и Крушоради од Лерин, во рамки на проектот „Скопје 2014“ во времето на  градоначалникот Коце Трајановски.

За ликот на Ќосето во интервју за НОВА во 2014 година говореше професорот Владо Поповски кој тогаш рече дека на Ќосето не му е местото во Скопје на ниту еден начин.