Прага: Денеска дојде до прекин на електрична енергија во Прага и во северните и источните делови на Чешка.
Целиот источен брег на реката Влтава остана без струја, а по еден ќас прекин метрото и неколку трамвајски линии повторно проработија, соопшти заменик-градоначалникот на Прага, Зденек Хржиб.
Аеродромот „Вацлав Хавел“ функционира нормално, изјави неговата претставничка Дениса Хејтманкова.
Во делови од Прага на источниот брег на Влтава, не функционираат ниту банкомати ниту семафори, а без струја се и продавници и ресторани.
Се смета дека причина за прекинот е дефект во голема разводна станица на источната периферија на градот, а комуналното претпријатие PRE соопшти дека го поправа, но не се знае кога ќе се врати електричната енергија.
Струјата прекина и во поголемите градови околу Прага, како што се Млада Болеслав, каде што се наоѓа фабриката за автомобили „Шкода“, како и во градовите Усти на Лаба (Елба) и Храдец Кралове.