Пратеникот на ВМРО-ДПМНЕ, Владимир Ѓорчев, на прес конференција во седиштето на партијата упати неколку прашања до власта поврзани со случајот „Рекет“, односно, како што рече за милионите евра изнуда.
„Овие неколку прашања кои треба да ги одговори Зоран Заев, неговите министри и прашања коишто треба да ги одговорат најблиските соработници. Вчера во дел од македонската јавност видовме информации за сведочењето на Зоран Милески – Кичеец. Прашањето е дали навистина тие зборови се зборови коишто ги кажал Зоран Милески – Кичеец? За овие зборови чекаме потврда дека тоа е од судењето на Кичеец. Прашањето е дали е ова веродостојно сведочење и дали се ова зборовите на Зоран Милески? Па по тоа дали и кој од врвот на власта на Зоран Заев му доставил податоци на Бојан Јовановски во врска со истрагата на МВР, дека тој е всушност осомничено лице“, порачува тој.
Ѓорчев јавно прашува: „Кој му доставил информации на Бојан Јовановски дека има истрага против него“?
„Ако е навистина така, тогаш се наметнуваат и други прашања, дали и колку пати Зоран Заев се среќавал со Бојан Јовановски и Зоран Милевски? Дали, кога и колку пати еден куп министри се среќавале со Бојан Јовановски? Ова се важни прашања кои што се наметнуваат, прашања за кои македонската јавност со право чека одговори? Ако ова е веродостоен извадок од сведочењето на Зоран Милески, тогаш Зоран Заев и неговите министри треба да одговорат на сите овие прашања“, порача тој.