Горивата поскапи за по еден денар од полноќ

Регулаторната комисија за енергетика и водни услуги (РКЕ) донесе одлука со која од вечерва на полноќ се врши зголемување на малопродажните цени на нафтените деривати во просек за 1,23 % во однос на Одлуката од 12.10.2021 година.

Со оваа одлука, цените на горивата ќе се зголемат за еден денар, па така еден литар ЕУРОСУПЕР-95 ќе чини 76.50 денари, еден литар ЕУРОСУПЕР-98 ќе чини 78.50 денари, а еден литар ЕУРОДИЗЕЛ ќе чини  68.50 денари.

Малопродажната цена на Мазутот М-1 НС се зголемува за 0,249 денар/килограм и сега ќе изнесува 43,010 денари/кг, а маслото за горење Екстра лесно 1 (ЕЛ-1) ќе чини 68,00 денари/литар.