Градежните работници се една многу голема армија за којашто до денес никој не води сметка, рече еден од работниците.
Независниот синдикат на градежните работници бара од Министерството за труд и социјална политика да формира посебна комисија за правата на градежните работници, рекоа работниците-членови на овој синдикат на денешната прес конференција.
Сите работници воопшто се обесправени, но во градежниот сектор се најобесправените. Ние сме една многу голема армија од луѓе за коишто до ден-денешен никој не води сметка, велат тие.
„Зиме или лете, на – 15 или на + 50 ние мора да работиме, а стари луѓе сме, под 60 години веќе речиси и нема работниц, вели Добре Михајловски, градежен работник.
Според овој синдикат, во Македонија има над 10 илјади градежни работници. Во врска со кршењето на нивните права, тие институционална поддршка и правда, функцонирање на инспекциите, наместо спреги со градежната мафија и конечно воспостување ред во овој сектор кој ќе им гарантира здравствено осигурување, поголеми плати и најважното од се – безбедност.
Проблемите во сферата на заштитата и безбедноста при работа се забележуваат како исклучително проблематичн и нехумани во секој извештај за напредок на земјава на Европската комисија, но освен во усвојувањето на закони, друг напредок нема. Во прилог на ова одат и статистиките на Здружението за заштита и безбедност при работа кои велат дека секој осми ден во Македонија гине по еден градежен работник на своето работно место. Здружението со години укажува дека дури и статистиките на институциите се разликуваат од нивните во однос на смртноста, бидјеќи тие не вбројуваат многу гранки, како што се рударството и транспортот.
Синдикатот на градежници при ССМ со години во своите извешти бележи дека најголемата кочница за спроведување на законите во праска се државните инспекции кои се во корупциски спреги со дел градежниците, кои пак, се во спрега со политичарите на власт.
Поврзана сторија од архивите на НОВАТВ : Документарен филм „Работнички права“ од серијалот „Владеење на правото: основно човеково право или привилегија“