– Во нашата општина ова не смее да се случува. Вандалскиот чин кон госпоѓа Љубица Јанчева , го осудувам пред се како граѓанин и како градоначалник, се наведува во реакцијата градоначалникот на Аеродром Тимчо Муцунски на чија територија било излепено возилото на поранешната претседателка на Советот на град Скопје, Љубица Јанчева со пур пена.

– Досега неколку пати реагиравме како општина до МВР во врска со нивното дејствување во Аеродром поради слабите контроли и неприсуството на терен на полицијата но не добиваме никаков одговор . Во мојата програма нема опции од една или друга страна, сите се исти и затоа работиме со сите сили за една поинаква општина на која сите ќе бидеме горди. Замолувам да не се политизираат ваквите вандалски случувања, се вели во реакцијата на Муцунски.