Жителите на Кисела Вода денеска по втор пат излегоа на гласање. На вториот круг од гласањето тие имаат можност да избираат меѓу истите двајца кандидати од првиот круг, бидејќи ниту еден не успеа да освои над 50 отсто од гласовите.
Гласањето во оваа општина се одвиваше во мирна атмосфера и без притисоци и прекршувања на изборниот молк. Генерално, граѓаните се задоволни од кандидатите за градоначалници за нивната општина и немаат никакви забелешки. Екипата на НОВА ТВ денеска поразговара со жителите на Драчево и Припор. Тие се надеваат дека оној што ќе победи ќе си ги исполни ветувањата дадени во предизборната кампања.
Помладите генерации, пак, иако излегуваат на гласање, јавно не сакаат да коментираат за тоа што очекуваат од оние што ќе седнат во градоначалничката фотелја.
Голем дел од граѓаните со кои денеска разговаравме не веруваат многу во предизборните слаткоречивости кажани од кандидатите во предизборните кампањи.
Но има и онакви кои и по долги години не се откажуваат и бараат градоначалниците да ги решаваат проблемите со кои секојдневно се соочуваат жителите на општината.
Во вториот круг од локалните избори се гласа во вкупно 35 општини. Според информациите од МВР, МОСТ и ЦИВИЛ изборите се одвиваат без инциденти, а во некои општини регистрирани се помали инциденти, како фотографирање на гласачки ливчиња и обиди за поткуп.