Под слоганот „Тишината завршува – доста бевме ние, системот е следен“ , раѓанската иницијатива „Кој е следен“ повикува на нов протестен марш.
Движењето преку социјалните мрежи најавува протестен „марш за одговорност и безбедност“, по трагедијата во дискотеката „Пулс“ во Кочани во која животите ги загубија 59 млади луѓе, а околу 200 се повредени.
Маршот ќе се одржи под мотото „Доста бевме ние, системот е следен“, кој ќе се одржи во понеделник, на 24 март, и ќе тргне од Плоштадот „Македонија“ во Скопје, велат организаторите.
До недела ќе молчиме. Но, од понеделник, тишината завршува. Од понеделник, се гледаме на улиците – гласни, бескомпромисни и обединети. За да нема заборав и да нема повеќе загубени животи поради небезбедност и неодговорност! пишува во повикот на организаторите на социјалните мрежи.
Од граѓанското движење „Кој е следен?“ велат дека нивната мисија е борба против системското нефункционирање и дека бараат „безбедни градови, одговорни институции и крај на глорификацијата на девијантното однесување“.
Претходно, протест во Тетово најави и иницијативата „Нула“, чии претставници денеска оставија противпожарен апарат пред влезот на тетовскиот суд, за како што рекоа, нивна безбедност и како симбол за итната потреба за вистинска правда.