Светиот Архиерејски Синод на Грчката црква, на заседанието во четвртокот
Изразил загриженост поради одлуката на Бугарската православна црква да прифати да и биде мајка Црква на Македонската православна црква, и со тоа, како што сметаат грчките владици, се меша во надлежноста на друга црква, во случајот СПЦ.
-Светиот Синод ја изразува својата загриженост, заради фактот на мешање, со таа одлука, на Бугарската Православна Црква во јурисдикцијата на друга Православна Црква, т.е. на Српската Православна Црква, чин, којшто е спротивен на Светите Канони и на Преданието на Црквата, со што ги превидува канонското право и водечката улога на Вселенската Патријаршија, што може да биде почеток на немили собитија.
Светиот Синод се моли да преовладее совеста и одлуката на сестринска Бугарска Православна Црква конечно да не се спроведе, се вели во соопштението.
Во еден дел од соопштението, Синодот говори за „расколниничката црква“ на „Македонија“, при што името Македонија го става во наводници.
Владиците и свештениците на ГПЦ досега во повеќе наврати го споменуваа проблемот со името, при што секогаш застануваа на тврдите ставови дека името Македонија и припаѓа на Грција, а нашата земја ја нарекуваат ПЈРМ.