Вицепремиерката за политики за добро владеење Славица Грковска вели рече дека сите министри треба да го почитуваат Кодексот за етичко однесување за членовите на Владата, одговарајќи на новинарско прашање за патувањето на министерот за правда Никола Тупанчески на фудбалскиот натпревар Италија-Македонија во Палермо, Италија.
„Сите министри, заменици и другите носители на извршни функции именувани од Владата се должни да го почитуваат Кодексот за етичко однесување за членовите на Владата и носителите на јавни функции именувани од страна на Владата, чија цел е јакнење на интегритетот на Владата и јакнење на довербата на граѓаните во институциите“, велат од кабинетот на вицепремиерката, која е надлежна за спроведување на етичкиот кодекс.
Владата и Грковска велат дека го следат случајот поврзан со Тупанчески и неговото присуство на фудбалскиот натпревар во Италија и откако ќе бидат разгледани сите информации и факти, ќе биде постапено во согласност со Кодексот за етичко однесување.