Гром вчера попладне погодил едно лице од прилепското село Мажучиште, по што било пренесено во Итна медицинска помош во Прилеп каде била констатирана неговата смрт, соопшти утрово Центарот за управување со кризи.
Регионалниот центар за управување со кризи (РЦУК) Битола, информира, дека преку 112 во ЦУК во 17:39 часот, била добиена пријава за починато лице за коешто јавувачот известил дека најверојатно е погодено од гром во село Мажучиште, Општина Прилеп, се наведува во соопштението од ЦУК.
За ова, од Секторот за операции и координација на ЦУК, веднаш биле известени во МВР и во Итната медицинска помош за понатамошна постапка.
Според последната информација добиена од РЦУК Битола истите известиле до ЦУК дека лицето од село Мажучиште, Општина Прилеп било погодено од гром по што е пренесено во Итна медицинска помош во Прилеп и била констатирана неговата смрт, се наведува во соопштението.