Грција и Македонија да најдат решение по примерот на Софија и Скопје

Грција и Македонија треба да најдат решение за меѓусебниот спор како што тоа го направија Софија и Скопје, изјави бугарскиот премиер Бојко Борисов.

– Треба да се најде решение меѓу двата народа, така како што ние го најдовме, бидејќи Грција ќе ги блокира за НАТО и за ЕУ, истакнува Борисов во изјава за „Труд“, по средбата на лидерите на Бугарија, Грција, Романија и Србија во Варна, на која не присуствуваше македонскиот премиер Зоран Заев.

За создавањето на т.н. „Варнанска четворка“, бугарскиот премиер оценува дека со тоа се потврдува заедничката волја за обединување, европска интеграција и за почитување на европските принципи и правила. Тоа воедно значи и решавање на прашањата кои се важни за Балканот, истакна Борисов.