Поранешниот премиер Никола Груевски и екс министерот за транспорт и врски, Миле Јанакиески, денеска во судница на рочиште за случајот „ТНТ“, одговарајќи на прашањето на судијата Огнен Ставрев, двајцата се изјаснија за невини.
На почетокот на рочиштето за уривањето на комплексот Космос, судијата и даде на одбраната по 5 минути воведен говор. И останатите петмина обвинети во случајот рекоа дека не чувствуваат вина.
Во случајот „ТНТ“, кој продолжува по 15 минути пауза, обвинети се седум лица, а меѓу нив градежна инспекторка од Гази Баба и тројца членови на општинската комисија за набавки.
Според Обвинителството, со постапката на уривање е предизвикана штета од 16 милиони евра, а дополнително на буџетот на општина Гази Баба уште три милиони денари.
Денеска се очекува во судницата да се слушаат и т.н бомби кои ги објавуваше СДСМ, откако Апелационен суд во ноември минатата година одлучи дека можат да се користат како докази во судската постапка.